Iss Chhath Puja, Surya ko dhanaywaad dene ke liye 12 wajah


Chhath Puja, poore India mein or khaas kar ke Bihar mein bahut hi special tarike se manaye jaane waala parv hai. Agar hum ancient writings ko dekhein to ye saaf pata chalta hai ki iss parv ki maanyata bahut hi puraani hai. Suraj ki divya shakti ke anginat pramano ko scientifically bhi ab sahi maan liya gaya hai. Aaeye aage jaante hain kuch rochak baatein.

 

1. Human Existence

Puri duniya Suraj per nirbhar Hai. Uske heat or light ki wajah se hi is dharti per jan jeevan hai. Ager Suraj nahi hota to na aap hote na hum or na hi koi aur.

2. Humein Dharti se jode hue hai

Suraj aur earth ke beech ki gravity ka khel hum sab ko dharti se pakadwa ke rakhe hue hai, nahi to kahan jhul rahe hote kya pata. Or kas lene ki baat ye bhi hai ki, ekdum jaruri point hai ye.

 

 

 

3. Sthaee or bachat se bharpur saurya urja

Bharpur saurya urja ka istamaal jo karta hai, woh bharpur bachat bhi karta hai . Zyade aana kaani ka dikkat bhi nahi hai. Waise to bahut tarah se bijli ka utpaadan kia jaata hai, per hum bata rahe hain na aur hum kya vaigyanik sab bhi yahi baat kehta hai. Aree Sach mein.

 

 

4. Janamdin Manane ki paryapt wajah

Harrr saali ki bhaati birthday manane ka sankalp jo vikalp mein badal jaata hai iske right hand hain suraj bhagwaan. Inhi k hisaab se to puri duniya ka calender chalta hai.

 

 

5. Swasth vavastha

Bhaari kripa rehti hai surya dev ki hum sab per. Enne onne ka bimari sab ko to touch bhi nahi kerne dete hain, doori bana ker rakhte hain. Aur to aur Vitamin D ki kami na ho iska bhi pura dhyaan rakhte hain chuki vitamin D ager bharpur maatra mein na mile to addi, manspeshi wagera ko kaafi dikkat ka saamna kerna pad sakta hai.

 

 

6. Chief Sun, Khaana Pakaana

Fasal ugaane se lekar khaana pakaane tak, Suraj har ek padaw par zaroori hai. Aur swadisht achar – papad ko mat bhuliyega. Tilauri or sabudaana k papad to kahin na kahin lagbhag saal bhar dikh hi jaate hain chhat per sukhte hue.

 

 

 

7. Dhoop mein kapde sukhaana

Ek alag level ki santushti ka ehsaas hota hai jab kapda dhuppa mein pasaar dein aur 2 hi ghanta mein kadkada ke sookh jaaye.

 

 

8. Sun – also a covid warrior

Iss Covid ki maar mein bhi suraj devta ki kripa rahi hum sab per. Masarih, Patna mein 50 se uper bistar ki vayvastha waala hospital mein pura solar system ka intejaam kia gaya. OPD se leker ICU, quarantine ward mariz se leker doctor tak ke liye suvidhakrit kia gaya.

 

9. Khushi ka ehsaas

Ander se mijaaj chauchaka jaata hai ager din khila khila rahe, suraj bhagwaan ki aseem kripa bani rahe. Kaam kerne mein bhi man laga rehta hai. Sooraj ki kirno ka kam milna serotonin ka star gira sakta hai. Serotonin maane woh hormone jo humari bhaawanaon aur jazbaton ko niyantran mein rakhta hai aur isi ka kam milna, Bata rahein hain isse jokhim badh jaata.

 

 

10. Upaj ko alag star per le jaana

Saurya oorja kisaanon ke lie jabardast tarike se laabh pradaan kerta hai jisamen paise kamaane mein badhotri bhi hoti hai aur aatm nirbharata bhi shaamil hai. Behatar upaj praapt karane mein bejod sahayata kerta hai saurya urja. Kheton mein paani patane se
leker katae tak mein kargar hai ye vayvastha.

 

 

 

11. Surya urja se gatimaan vaahan

Surya urja ki taakat se public transport mein ghumna alag level ka sukhmaaee ehsaas rehta hai. Ek to koi pradushan ka jhanjhat nahi aur na hi faaltu ke awaaz ka. Du pahiya se leker 4 pahiya tak mein suvidha uplabdh hai.

 

 

12. Paani per bhi fit hai

Jaruri nahi hai ki solar panel zameenne per lage pura system paniyon mein lagaya ja sakta hai. Ekdum tairta hua per suraj ki kripa ko bijili ke roop mein ekatta ker ke istemaal mei laaya jaaye. Idhar hi darbhanga mein hi pradesh ke sabe bade solar system ka intejaam kia gaya hai or wo bhi paani mein aane waale saalon mein hum bijli ke daamon mein bhari girawat bhi dekh sakenge.

 

 

Comments

comments